Ας λέ(γ)ω σας ντο έν' Γενοκτονία για τ' εμάς τοι Ρωμαίους.
Εν' τα μέρ(ε)α μουν,
τα εγκλησίας εμούν, τα σπίτ(ε)α μουν, τα στράτας, τα χωρία, τα λιβάδ(ε)α, τα
Παρχάρ(ε)α, τ' ανθρώπς εμούν.
Ούλ(ε)α π' εφέκαμε εκεί.
Γενοκτονία εν' τη καλομάνας τα δάκρεα, δάκρεα για τα
γονέικα, για τα παιδία ντ' εφέκεν οπίσ' γιάτι 'κι επόρεσαν να γλιτώνε ας ση
Τούρκονος τη λύσσα.
Επέμναν εκεί άθαφτα, ακάντηλα, αδ(ε)άβαστα.
Γενοκτονία εν' ντο χάσαμε τη Πατρίδαν εμούν.
Έρθαμε αδά σην Ελλάδα γιάτι οι Τουρκάντ' εζέλεψαν τον
ευλοημένο τον τόπον εμούν κι εθέλναν να αφανίζνε μας για να πέρνε ούλια τ'
εμέτερα τα καλά.
Επέρασαμε καριπίας, κτηνωδίας, πείνας, αρρώστιας, θάνατον.
Άμα όσοι επόρεσαν να γλιτών'νε επήκαν ζωήν ασήν αρχήν, ασό μηδέν κι επέτυχαν.
Επέτυχαν γιάτι εν' πολλά άξιος λαός.
Χρόν(ε)α ατώρα ψαλαφάμε να πέρουμε δικαίωση για ούλια τα
κακά ντ' επάθαμε, αμά οι πολιτικοί τιδέν 'κι εφτάνε.
Ατοί εθαρρούν πως επήκαν το χρέος ατούν μανάχον με το να
ψηφίζ'νε ατό ντο λένε "ημέρα μνήμης 19η Μαίου".
Ημέραν μνήμης? Ντο εν' ατό?
Εμείς 'κι έχουμε ανάγκη μόνον ασ' ατήν την ημέραν.
Εμείς 'κι ανασπάλλουμε καμίαν ντο έντον εείνα τα μαύρα
χρόν(ε)α.
Εμείς ψαλαφάμε 'σχώρεση, θέλομε αναγνώριση ασοί Τουρκάντς.
Καμίαν ΄κι ανασπάλλω.
Ανδρέας Καρασαββίδης
Σύμβουλος Δημοτικής Κοινότητας Κατερίνης.
Υ.Γ Για τα ποντιακά θα ήθελα να ευχαριστήσω την καθηγήτριά
μου στο μάθημα ποντιακών από το δια βίου μάθηση κυρία Χρίστίνα Μετενίδου,και
την συμμαθήτριά μου κυρία Στέλλα Κυριακίδου ..
